نجح أو رسب؛ شو اول اشي لازم تحكيه لابنك بعد نتيجة التوجيهي
بقلم ديما الحسين 8 أغسطس 2026 · 9 دقايق قراءة في لحظة، كل أم بتعرفها بس ما حدا بيحكي عنها. اللحظة اللي بين "النتيجة طلعت" وبين أول جملة بتطلع من تمك. ثانية أو ثانيتين، بس فيهم كل شي. فيهم مستقبل علاقتك مع ابنك للسنين اللي الجاي. لأنه اللي رح تحكيه في هاي اللحظة، مش رح ينسى أبداً. مش لأنه بيحب يعمل المشاكل، لأنه هيك عقل المراهق بشتغل، بيسجل كل كلمة بتنحكى بلحظة الضعف أو الفرح الكبير وبيضل معه لسنين طويلة، أحياناً لعمره كله. وأنا متأكدة إنك هلأ، وانتِ قاعدة تقرأي هاي السطور، رح تحسي حالك هاللحظة. يمكن قبل يوم من النتيجة، يمكن الصبح اللي بتصير فيه النتيجة، يمكن وانتِ ماسكة الموبايل وقلبك بيدق بسرعة أكتر من قلب ابنك. وبكل صراحة، ما فيه أم ما بتتوتر. حتى لو ابنها مجتهد وواثقة من نتيجته، فيه شي جوّا كل أم بيقول "شو لو..." شو لو صار شي بالامتحان الأخير، شو لو تعب أكتر من اللزوم، شو لو النتيجة إجت أقل من المتوقع لأي سبب ما توقعناه. التوجيهي هدد سمعتك قبل ما يهدد مستقبل ابنك... وهاد سبب انهيارك الحقيقي بس السؤال الأهم مش النتيجة. السؤال الأهم: شو...